قصيده بعنوان
(نفسى أعرف)
إنتى مين.
هو فعلا هو
إنتى ولا إنتى
بشكل تانى.
مره بوجه
أبيض منور
ضيه.
وفجأه يقلب
على أسود
سودانى.
إنت صحيح
من وجه بحرى.
ولا من وجه
قبلى أسوانى.
ضاع عقلي
وفكرى وفى
أمورك محيرانى.
وأشياء عندي
كتيره عكسى.
ملخبطانى.
مشتتانى.
هو إنتى بنت
بلدى وريفى.
ولا طرحك
شيطانى.
إثبتى لي
إن كنت صادقه.
لو مره واحده
إن لي حب
فى قلبك.
مش لخاطرى
وعشانى.
عشان خاطر
العشره
ولا أقول بيعانى
ومش شريانى.
لا أنا عارف
مين هو صاحبى
ومين خانى
وعدانى.
إنتى حبيبتى.
فعلا.
إل مضيع عمرى
عليها.
قولي.
قولي.
ولا خلاص راح
زمانى.
كبرت معنتش
أنفع.
وشيبت وكانت
أمانى.
أحكي لي وفهمينى.
أنا مش بسمع
لك أغانى.
نفسى أعرف
إنتى مين
إنتى هو
إنتى.
ولا إنتى بشكل
تانى.
الحب تعرفيه.
الحنان تفهميه.
الطيبه والموده
والعشره والسعاده.
والفرح والضحكه
الجميله.
أنا مش قاصدى
التعاسه ولا النكد
والكآبه.
كلامى تستوعبيه.
كلامى مش
يابانى.
أنا من مصر
المحروسه.
وإنتى من
قريه قريبه
مني يعنى.
من جيرانى.
رفيقة عمرى
ودربى.
مشكلتك مجنانى.
حبيتك حب
أبدى.
مش من فرط
جمالك.
ولا عيونك
غزلانى.
أنا لما عرفت
الحب كان
حبي ليك
ربانى.
ماليش يد فيه.
كأنه مس
جن وجانى.
نفسى أعرف
إنتى مين.
إنتى هو إنتى
ولا إنتى بشكل
تانى.
26/3/2021
ترنيمات وخواطر. بقلم)
خيرى حسنى...............)
ليست هناك تعليقات:
إرسال تعليق