(قصيدة)
_______( الحقيقه)
____&____
ما تخلنيش بجد أندم.
ياللى غاوى سلف ودين..
عز نفسك ربك يعزك.
ويرزقك رزق الصابرين..
وان كان على الكلام؟
أنا أزرعلك منه فدادين؟!
لكن قليل الفعل ناقص؟
وبيسقط من نظر العين؟!
دا اللى عيونه شبعانه من بيته؟
بيزهد ف بيوت الملايين؟!
أما اللى زرعته مش من غيطه؟
تتحكم دايمأ فيه شياطين؟!
يفضل ماشى شمال طول عمره.
لأنه ما حبش يمشى يمين!!
بيدوس سكه أخرها ندامه.
وفاكر نفسه من الشاطرين؟؟
لو كان غاوى بجد سلامه؟
كنت لاقيت فوق الجبين..
علامه بختم ربانى.
مش مصنوعه للڤتارين !!
اللى وراها تدارى ناس؟
تضحك على ناس بأسم الدين؟!
وعلشان تسرق تقتل غيرها !
تسألهم ليه يقولوا كافرين؟!
عقول مغسوله بماية نار!
معجونه بفكر الفاسدين!!
فكل حروب الدنيا عقيدة!
بيحربوها عشان خايفين؟!
وعلشان هيا الحقيقة الحق؟
أنزل غضبه على الحاقدين؟!
اللى لا وطن ليهم والا أرض!
وف عزله عايشين تايهين!!
بقلم شاعر العامية.
السيد حسن السيد.
3/4/2021
ليست هناك تعليقات:
إرسال تعليق