بتاريخ 26/4/2021
قصيدة ( واه يا قدس )
بقلم الشاعر المصري
أحمد إبراهيم النجار
مش هسلّم او هطبّع
او ثياب العز هقلّع
او اطاطي
او راح اركع
للصهاينه المجرمين
اللى باع القدس ليهم
واللى قرّب هو مين؟
إبن ضبع والضباع متلوّنين
ده الضباع مالهمشي دين
والسطور فى كتاب مدوّن
ع التاريخ مكتوبين
ساحرة كذَبه
تحت أقدام الصهاينه
ساجدين خادمين ملعونين
كل شئ أصبح ملوث
في المحافل واللى طبّع
كان مغفّل اصله واطي
واللى قيّد واللى طاطي
واللى دافع كل ماله
ف النوادي والاراضي
واللى راسم
نجمه قذرة ع المباني
واللى راقص ف الحنات
واللى مشتاق للبنات
واللى ضيّع كل عمره
فى طريق العاهرات
ايوة وقت العهر فن
والشعار حبة أغاني
بإسم عربي بس عبري
ف المعاني
اه يا وقت الفن عهر
والنفاق حاوط مكاني
اه يا وقت الغدر فُجر
بحلم فاني
واه يا قدس
من ضباعك من كلابك
من قيودك من ضياعك
من عذابك
م الخيانه وم الفجور
من ملاحده مغرمين
يخدوا دور بس دورهم
شئ ضئيل هما مين؟
ملعونين
قبلهم فرعون وكان
قبلهم نمرود كمان
ويهوذا للمسيح
بلدراهم باع وخان
حتي يوسف م الخيانه
كان فى بير باكي بأهات
والخيانه فن ساقط
ممتازين فيه الغيلان
اه يا قدس من صراخك
من دموعك من عتابك
من عقول الفاسدين
اللى طبّع واللى كاسر
كل بابك واللى كاتب
في جدارك بالخيانه
والنداله والقذارة
بالأيادي ملوثين مجرمين
اه ياقدس من صهاينه
بلبس عربي
والحنين ف القلب عبري
ملعونين مالهومش دين
مش هسلّم اوهطبّع
او ثياب العز هقلّع
او اطاطي او راح اركع
للصهاينه المجرمين
واه يا قدس
من نعاج مستعربين
بقلم الشاعر المصري
أحمد إبراهيم النجار
ليست هناك تعليقات:
إرسال تعليق