قصيده من الشعر الشعبي العراقي.
بقلمي
وصية شايب
،،،،،،،،،،،،،،،،،
إخذ طبع الورد لو كثر بيك الشيب
وفوح عطور طيبه وفْرّح الناظر
وخل ناسك تحبك من يمر طاريك
وإذا مريت بيهم يفرح الحاير
أرضاء الناس غايه وصير إنت الزين
وظل دومك عزيز وتجبر الخاطر
تره الدنيا مواقف واليريد يفوز
يدرسه بتأني وينجح الشاطر
شد حزام ظهرك بيهم إيكفّون
إذا شافوك الهم صاحب وناصر
لحظه الدنيا هاي شما تطول وياك
والذكرى الجميله عفة الباكر
افرح وابتسم بوجوه ناسك هاي
والضحكه البريئه سحر للساحر
،،،،،،،،،،،،،،،،جادر البدري
ليست هناك تعليقات:
إرسال تعليق