........ دورة السنين ...........
هات الحسابه تحسب عمرك
مش ح تعرف تحسب أعمار
حروف الكتابه تشطب سطرك
متعرفش تميز الليل من النهار
السنين بتجري ووراها تجرك
وكل عمرك عايشه في إنتظار
المرايا قدامك وتحت نظرك
ومستني بكره بداية مشوار
في لحظة صدق تنعش فكرك
تلقا شكلك بيقدملك إعتذار
تتأمل دورة السنين في سرك
وتراجع نفسك وعملك بإقتدار
والقلم في إيدك يخاف يتحرك
والحروف علي أهبه الإنتحار
تخاف تتجمع في كلمه تضرك
وتتبحتر قبل ما يكون لها قرار
تاخدك الحياه وحلاوتها تغرك
ومتاخدش بالك إلا في الإنكسار
أو مشهد عالق مرارته تثير مرك
تعرف إن الموت ميعرفش أعمار
.........................................
......... حسن الشوان ..............
ليست هناك تعليقات:
إرسال تعليق