......... شوفتك يا امه ........
فرحت لما شوفتك يا امه
ولقيتك معايا في منامي
قمر منوور ملاك رحمه
وشك ابيض نوور أحلامي
وبارضوا حواليكي لمه
وفي ملامحك أثر النعمه
وشميت عطرك في كمامي
قربت أجيلك خلاص يا امه
ومعرفش مواعيد مقامي
بحس بيكي دايما نايمه
وفي الفجريه القاكي قايمه
وأسمع صوتك في كلامي
منووورة ليا أي ضلمه
وملامحك كلها مبتسمه
بتهوون عليا أنين ألامي
فرحت لما شوفتك يا امه
من زمان بتمناكي قدامي
بتمدي إيدك ليا ببسمه
وبتديني بلحة صيامي
وفي عيونك نظرة نعمه
وإشتياقي ليكي وغرامي
............................................
........... حسن الشوان .............
ليست هناك تعليقات:
إرسال تعليق