قصيده بعنوان
(دوسى؟!!)
دوسى علينا
يادنيادوسى
وإقوي وقوي
عزيمتك وأحكمى
قبضتك
وإجمدى فى
الدوسه
وكأن حظنا
فيك قليل
حبكاها على
المظبوط مخططه
ودرساها وخطتك
مدروسه
فكرانا بمتاعبك
وقهرك ونسي
ناس كتير
عيمى على
الدهب
وعميان فى
الكوسه
تاكل محمر
ومشمر وفلوس
متنعدش
نزل لهم من
السما
وفلل وقصور
وبسيم للأستحمام
وخدم وعبيد
مخصصه
لتلبيسه
وكأن ليك فيهم
نظره مترتبه
ومحسوسه
دوسى علينا
أحكمي القبضه
وألوي فى
رقبتنا
وأخنقى فينا
وإمنعى عنا
الهواء
إل بنتنفسه
وجوعينا
وإفقرينا
وعيشينا
فى الغلا
ماخلاص بقت
حوسه
وإتشكلبت
أحوالنا والندل
لبس البدل
وإتبدلت بفلوسه
بإشاره من
صبعه يدوس
بجزمته على
رقبة إل كان
يوم بيعلمه
ألف باء
أول حروف
العربي
ويكتب له
فى دروسه
دوسى علي
وغربينى
ضاعت فيك
سنينى فرقتينى
عن أهلى
وحبايبى
وخلانى
خلتينى لا أنا
عارف الفرق
بين القبله
ولا حتى من
البوسه
تنهيده تشرخ
الصدرخارجه
من أعماقى
نار ما بتنطفيش
وعقلي من التفكير
شويه وينفجر
بضرب كف
بكف معقول
نقضى حياتنا
تمر هدر
صحيح الأمر
من ربنا
مكتوب قدر
لكن من حقي
أتعجب
على إل كان
فاشل أصبح
غنى مع
إنه خيبان
فى تأسيسه
إتحول كالأسد
بينهشنا
بضروسه
دوسى علي
يا دنيا لكنى
مش هانكسر
لآخر نفس
صحيح دنيا
فيك العبر
هبله ومهوسه
5/5/2021
ترنيمات وخواطر.بقلم)
خيرى حسنى..............)
ليست هناك تعليقات:
إرسال تعليق