قصيده بعنوان
(غلطه؟!!")
غلطة الشاطر
بألف وأنا مسامح
قلبى وأنا
عارفه قلب
(؟؟؟؟؟؟)
بيسامح
بيفرح لو حد
يضحك له
وينسى غلطة
إمبارح
قلب صبيانى
يطنطط
لو شاف
طرف شالها
مارقه
جوا بستانى
يحبها ويموت
فى دبادبها
حتى لو
فى الأصل
كرهانى
غلطه وقولتيها
بقصد أو خانك
الكلام وقتيها
الغلطه جواي
تجرح وقلبه
بهبله يعديها
ويبرهن غلطاتك
ويقول كانت
يومها زعلانه
وقت الغضب
ممكن لسانا
يحدف طوب
ويرميها
والمفروض إنك
تتحمل أنا
إل فيك بأنبض
وبدق دقاتى
ليها
لوحديها
حتى لو كان
فى النساء
ألف أجمل منها
دي بنت الأصل
والعفه لو نسيت
عهد وأخدته
على نفسك
كلام كان
مع راجل ومش
أي راجل
وصاحب
الكلمه يوفيها
عادى ما
كل الحريم
بتغلط ولا
إنت ملاك
ومعصوم
ما ليك زلات
وغلطات
فاكرهاولا نسيها
معروفه زي
عين الشمس
وعيبك إنك
بتخفيها
بتجمل نفسك
وبتهندمها
كلنا عيوب
وغلطات
لو بنعد
ما نحصيها
عشان الورد
لازم تشرب
لو علقم
جواك وترويها
سمعت عن
المسامح كريم
حبيبتك
وروح قلبك
ولازم تفهم
حروف بيت
فى أشعارك
ياريت تفهم
معانيها
وإنسى وإرمي
ورا ضهرك
ضحكتها أحلى
من شكاويها
قرة لعينك
جناح مكسور
طيبه وحنونه
وكريمه والكرم
كله مغطيها
إتحملها
وأحضن غيظها
بضحكه
تنسى الدنيا
وتعبها وشقاها
وبلاويها
شايف الوجه
القمر
خدودها
بسمتها
وعيونها
قوم صلي
لله ركعه
وإدعي لها
وسامح إنه
يهديك ويهديها
5/5/2021
ترنيمات وخواطر.بقلم)
خيرى حسنى..............)
ليست هناك تعليقات:
إرسال تعليق