مش غلطِتِــــــــــــــــك
تحياتي محمد ياسين
كسرت حاجز من حواجز خوفي
ربِّك كبير وعالم هوا بظروفي
لانا قلبي قد الفراق ولا قد تعذيبه
ولو دخلتي القلب هاتحسيني وتشوفي
كان نفسي اقرب من زمان وتعبت
وفضلت اعد ف بعدك الأيام وحسبت
وكتير حلمت أكون في أحلامك
شرقت مرة ومرة ليه غربت
غرقت في الوهم بإديا
وعشت فيه وصدقت
على قد مانا بحار
لكني ف بحرك انتي غرقت
ترميني موجة لموجة تانية بعيد
وياريتني كنت نسيت أو حتى فقت
حبيتك انتي بجد وف قلبك أوي اتعشمت
وحاربت ليكي كتير وعمري ف يوم ماندمت
وسافرت لاجلك في البلاد ومشيت
وصبرت ع اللي انا فيه ولا استسلمت
مش غلطِتِك
دا العيب عليا عشان بجد سمحت
أسيب وياكي نفسي لحد ما بإيدي انجرحت
لانا اللي راحتي معاكي وف قربك
وياريتني وانتي بعيدة كنت ارتحت
مش غلطِتِك
ده الغلطة عندي عشان أنا اللي نسيت
تهت ف حكايتي وغصب عني بكيت
لا دموعي فيها الشفا ولا حتى نستني
وصبحتي عندي ذكرى في الحواديت
كسرت حاجز من حواجز خوفي
ربِّك كبير وعالم هوا بظروفي
لانا قلبي قد الفراق ولا قد تعذيبه
ولو دخلتي القلب
هاتحسيني وتشوفي
ليست هناك تعليقات:
إرسال تعليق