مش رح اقدر ابعد عنك
مهما يبعدو بيني و بينك
مش همي ببعادي عنك
كل خوفي إنك تنساني
حتى لو بعدوني عنك
ياحبيبي
لاتنساني
*******
بعدني صغيري ع الغربي
و ما بيتحمل بعدك قلبي
مش بإيدي اخترتو لدربي
مين اللي غير عنواني
وحاول ينسيني اسمك
يا حبيبي
لا تنساني
********
مبارح خبرت العصفورة
عن بيتك عن هالمعمورة
بعتلك ع جناحا صورة
و عالقفا كتبت استناني
رح برجع بترجى منك
يا حبيبي
لا تنساني
********
بعتلك شوق و حنين
ما وصلني ورقة تخمين
بعدي قلبك راح لمين
و خلاك بلحظة تنساني
ومش كتير الغبتن عنك
يا حبيبي
تا تنساني
بقلمي
وسام الحرفوش
ليست هناك تعليقات:
إرسال تعليق