صمت و خوف (343)
..................
ورد وشمعه وليل موجوع
وعيون باكيه
ندمها دموع
عاشت فقدت حلم إتحطم
في غرام ليله
وموت مولود
إحساس تايه
ملقاش بكره
ولا أوتار أفراح في العود
حتى القلب إتهرب مني
فاتني أعدي طريق مسدود ..
إحساس خاين غرر بيا
سابني ألملم شوك لوعود
ليه صدقت الكدب وشوفته إنه ملاك
من غيره أموت
ليه سلمت أمالي
في أيده غدار خاين
داس لورود ..
حطم كسر تمثال عابد
كان جوايا ملهش وجود
خايفه لبكره يجي عليا
ولسه بلملم أشلاء موت
أيوه ندمت وعمري ما أسامح إني بأيدي عطيته السوط ..
أوجاع لسه دموعها بتنزف لسنين جايه
في صمت و خوف ..
قالت هسكت
مش هتكلم
لكن غيرها أصر
هيصرخ صرخه يحاول
يوصل صوت
ممكن يرجع تاني أمانها
ولا هيفضل جبنها موت
بقلم .. صبري رسلان
ليست هناك تعليقات:
إرسال تعليق