العمر بقى فصل خريف
ما العمر أيام وفصول
وخريفي شنيع ومخيف
والدنيا ما بنت أصول
تغريني بتوبها شفيف
وأشوفها في عيني بتول
أقرب ألقاه بقى ليف
وألقاني في حضن الغول
بنحلم بحلم عفيف
طيب مستحي وخجول
أتاريه الحلم كفيف
والدنيا بألف معول
مرجيحة تخدنا لفوق
نطير كما العصافير
في ساعتها نقع ونفوق
سمك في شباك سنانير
معقوله يا قمر يا لطيف
حتيجي حياتنا تزور
حتيجي بربيع وحفيف
وطيور وفراش وزهور
ولا دي تخاريف
وهلالك كسيح مبتور
يحيى حسين القاهرة
19 سبتمبر 2020
ليست هناك تعليقات:
إرسال تعليق