طبع الأصيل
بيقولولي انت طيب
وعمرك شهم وأصيل
قلت عشان قلبي طيب
ينكتبلي أعيش عليل
قالولي سامح بس سامح
عمري كله يا ناس بسامح
لما راحت مني الملامح
والكثير أصبح قليل
ولما كان المال زيادة
كنت حلو وبالزيادة
واللي طبل واللي برقص
فاكرينها دايمة ومش هتخلص
واللي قاللي تعالي حضني
واللي قال لي يلا نرقص
عشت دنيا من النفاق
كدب عايش بشتياق
ولما سهم الحقد صابني
الكل ولا وراح وسايبني
وعشت ليلي الف ليل
بكيت يا عيني عالندامه
وطلبت من ربي السلامه
بفضله عملت المستحيل
يارب ماترجعني تاني
لقلب جاحد ولا لأناني
ولا مرة تاني أعيش ذليل
سبحانك انت اللي عالم
قادر ترد علي كل ظالم
وتسترني بالستر الجميل
وخلي برضه الخير ف قلبي
واهدي كل الناس بحبي
وهواده طبع الأصيل
من أحزاني وكلماتي
سيدحجازي
ليست هناك تعليقات:
إرسال تعليق