أحزابنا-----------؟
بقلم شاكر محمد المدهون
من يوم ميلادنا وحلمنا
نحكم بلادنا لوحدنا
أصل المشاركة تعني الخصام
والمعارضة يعني إنتقام
وحزبنا من بدايته حلمه يكون الإمام
والكل يخضع من غير سؤال
ولا حتى همسة مش كلام
والفعل ملهوش أدنى علاقة بالكلام
والسياسة مش فنون الأصل
إن أحنا نكون أصحاب السعادة
والريادة والمعارضة
والشعب ياكل من الكلام
الأصل أحنا والسلام
أما الحقوق فالحق أحنا نحدده
والحكم جاهز قبل المشاورة
إن أحنا أصحاب الكراسي
والمنابر والخطب
وأحنا اللي سمحنا للعدالة
إنها تكون كلمة حلوة كويسة
والشعب دايما له حضور
وتقوله أحلم إنك تعيش
عيشة حلوة كويسة
والشعب دايما في سبات
وإن أراد الشعب يوما
حاجة تانية يروح يدور من سكات
على ارض تانية محششة
-------------------------------
شاكر محمد المدهون
ليست هناك تعليقات:
إرسال تعليق