تعبانين
ع محطة البنزين ناطرين
شو ناطرين
؟؟؟؟؟؟؟؟؟؟؟؟
ضاع النهار والجو حزين
النفسية تعبانه من الانين
وعلى الوجع صابرين
المسؤولين نايمين
وبجيوبنا ايديهن واضعين
بتفكيرهن وعقولهن وضيعين
نحنا بغير الله مش مأملين
لوين هل البلد آخدين
شحار وتعتير صرنا مشردين
لقمة العيش مش لاقيين
الذل والهوان علينا مسيطرين
بعتو الوطن بشوية ملاليم
وضمائركم بالرخص دافعين
لح يجي يوم وتندمو شو عاملين
الشر بيرتد ع صاحبه يا مجانين
ما تواخذوني نعتكم بالمجانين
هيدا جنون العظمة يا حلوين
الحلو صرنا فاقدين
ما فينا نشتريه من الدكاكين
ولا حتى بالبيت صانعين
الغلى اكل الاخضر واليابس
وانتو عقولكم غايبين
الله يجازي يلي خلاكن
مسؤولين
انتم للخيانة عناوين
عناوينكم بالصدارة
للأنين رنين
بقلمي
ريما خالد حلواني
ليست هناك تعليقات:
إرسال تعليق