"الحق ملك اصحابه"
ياظلم خد في وشك
ودوس عالغلابه وفوت
وازرع أراضينا حنضل
وفي جناينك توت
والحق ملك أصحابه
وعمره ما يوم حيموت
مسيرك في يوم حتوصل
للمنتهى وحتموت
والحظ سايق دلاله ٠
ولامره جينا ف باله
لاعمره عدى علينا ٠ ولا
مره فكر يفوت
ياظلم خد ف وشك
ودوس عالغلابه وفوت
مسيرك في يوم حتوصل
للمنتهى وحتموت
يا ظلم إحكي حواديتك ٠
وأهلك حيسمعوك
حقك تقيل قوي ميزانه ٠
وحقنا حبروك
يا ظلم خد ف وشك
ودوس عالغلابه وفوت
مسيرك ف يوم حتوصل
للمنتهى وحتموت
ياظلم خضر جناينهم ٠
وازرع أراضينا شوك
جراحنا يوم الحساب
همه اللي حيعرفوك
ياظلم شد حيلك وإضرب
اضرب وإضرب وإضرب
وشوف مين اللي حيفضل
ومين يا باغي حيهرب
يا ظلم شد حيلك وإضرب
إضرب وإضرب وإضرب
وإحنا في عز الوجع
حندعي خد بإيدنا يارب
يا ظلم خد ف وشك
ودوس عالغلابه وفوت
مسيرك ف يوم حتوصل
للمنتهى وحتموت
يا ظلم إفرد جناحاتك عالأخر
وقول للحق إبعد شويه واتاخر
وعيش في المنجهه والهنا الفاخر
ورصيدك دايما يكون زاخر
يا صبر صبرك علينا ٠
وبشويش حبه واتمهل
يمكن تعود غناوينا ٠
وللفرح مره نتأهل
بقلم/ الشاعر رشاد على محمود
ليست هناك تعليقات:
إرسال تعليق