مش ناسياه
بقلم الشاعر احمد حمدى شمعه مصر
مهما تقرب وأسكن حضنك
هفضل فاكره ومش ناسياه
مهما تقول وتعيد عن حبك
هوه حبيبي وقلبي معاه
مهما تزيد وتزيد من قربك
عمري ببعده ما اخون وانساه
هوه حبيبي وهوه حياتي
هوه لوحده اللي اتمناه
ساكن قلبي وروحي وعقلي
واقف جنبي في وقت الاه
لو يوم هحزن يقتل حزني
ويحارب علشان انساه
وإن يوم الخوف قرب مني
بنسي الخوف وانا عايشه معاه
وإن نمت عيونه بتحرسني
بطمن طول ما أنا وياه
ولا بتساوي الدنيا في بعده
هوه الدنيا وراحتي معاه
ليست هناك تعليقات:
إرسال تعليق