أنا الحاضر أنا الماضي
أنا اللي بنصيبي راضي
أنا الحيران أنا الولهان
أنا اللي سجني بدون قاضي
أنا المشتاق أنا العطشان
أنا اللي جرحي ألمه صادي
أنا السعيد من برة
ومن جوة الهم شيء عادي
والبسمة دي يعلم الله
إنها من صنع أيادي
والفرح لو مر عليا
عمره مايلاقيني فاضي
والحظ لو هدي شوية
ابداً ما يدخل لي نادي
فين يا ناس هو الحنان
فين الحبيب اللي عليا ينادي
أجري عليه ترويني عينيه
وبحبه لي يحيي فؤادي
أول ما اشوفه ارسم حروفه
وليه مني كل ودادي
وبنظرة حلوة أوكلمة غنوة
اسمعها منه تشفي سهادي
أو حتي همسةومن ايده لمسة
فيها كل منايا ومرادي
دلوني عليه أمسك اديه
فإمتي بس هلاقيه قصادي
امتي بس ألاقيه قصادي
بقلم الشاعر المحامي/علاء عطية علي
ليست هناك تعليقات:
إرسال تعليق