فى الطريق
فى الطريق سامعه ولد
بيقول لبنت
الهوى يعنى إيه؟؟؟!
اتحركت على طول شفايفى
رحت رده عليه، ،
الهوى ياحبيبي يعنى الهنا
والهنا معناه نبقى مع بعضنا
والسعادة تبقى لينا وحظنا
والأمانى والأغانى فرحنا
والألأم تبقى بعيد
كل يوم بيمر عيد
والوجود كده إيد فى إيد
وأما نلقى يوم سحابة
بعدها بيجى نور جديد
وأما تلقى نفسك فى مكان
وأنت واقف واللى بيجرى الزمان تنتظر رؤيه حبيب
تندهه على طول يجيب
ويقولك إللى راح تقوله
قبل ماتحرك شفايفك
لوتغيب عنه يحكى
وكأنه بقلبه شايفك
يحكى لك كنت فين
الساعه كام٠٠وقابلت مين
كنت فرحانه أو فى سهر
كنت تعبان م السفر
وتلاقى إيده فى إيديك
تنسى كل الام تجيك
والعيون تحكى قبل الشفايف كنت مطمن فى
بعده والا خايف
لماحتلاقيى جوه قلبك دوا
يبقى لازم وقتها تعرف أن
دا الهوى هو دامعنى الهوى
ياحبيبي
قلم ناهد ابراهيم احمد
ليست هناك تعليقات:
إرسال تعليق