مؤلمة
إن عمرك يروح هدر. قدام عنيك.
وتكتشف إنك بسيط. وان الزمن كان حاويط
وضحك عليك
ضحك عليك
وعشمك انك كبير
ولك مكانه ولبسك
توب الأمير
وخلاك ف عنيك القوي
وانت الفقير قوي
مشاك على الشوك
وخطف وردة ف اديك
مؤلمة
انك ف عز الفرحه
يمتلي الدمع ف عنيك
خلآص يادنيا
اكتفينا منك دروس
وعرفنا ارخص مافيكي
هي النفوس
مجرد عشم جاب ألم
وجرح ليك
مؤلمة صدمة ف قريب
افتكرته ف يوم حبيب
مؤلمة ان السنين عدت كده
قدام عنيك
مؤلمة كسر الخواطر مؤلمة
وكسر قلب كان كله ليك
مؤلمة
سيد حجازي
ليست هناك تعليقات:
إرسال تعليق