وجاي بتقول
بقلم الشاعر. احمد حمدي شمعه. مصر
وجاي بتقول خلاص هجرح
وهعمل كل شي فيها
وهظلم فيها وهعذب
وأسيب الدنيا تكويها
عذابي في دنيتي بإيدها
وجرحي كان علي إيديها
وجات مكسوره قدامك
وشفت الدمع في عينيها
ساعتها قلبك إتعذب
ودمعك سال علي إيديها
فتحت بسرعه أحضانك
وصدرك راح يناديها
وشفت في حملها حملك
وعشت سنين تداويها
ما بردو راحتها من راحتك
وأول حب كان ليها
وأول حرف من قلمك
كتبته بحب كان فيها
وأول ضحكه من قلبك
ضحكها القلب في عينيها
حبيبتك مهما تتعذب
بروحك بردو تفديها
ليست هناك تعليقات:
إرسال تعليق