مسرحية زواج
في زمن الكورونا
/////// 4 ///////
الموسم الأول
ـــــــــــــــــــــــــــــ
الزواج اللحمي !
بقلم
أحمد النجار
مصر
الرابعة
تلك كارثة آثرنا الخوض فيها قليلا !
لكنها كارثة مازالت مستمرة في المملكة الفرعونية وكل الممالك الخليجية والعربية ..
يعني إيه زواج لحمي ؟!
يعني زواج الأقارب حتي لا يضيع ميراث العائلة من الأرض الزراعية وغيرها من المنقولات .... عندنا في صعيد مضر يدعون إليه بشدة حتي لا يضيع الطين !
والطين والله أعلم يعني الأراضي والأطيان الزراعية !
سوف نبدأ بالمصريين ....
شخصيات المسرحية .......
ـــ عويس .... عريس يبحث عن زوجة
ـــ عتريسة .... أخت عويس وتبحث هي الاخري عن عريس ، ومصيبتها السودة أنها تمتلك 500 فدان أطيان زراعية ...
ـــ أم عويس .... تحلم بزواج ابنها عويس
ــ أبو عويس ..لا يحلم بزواج ابنته عتريسة
ـــ العمدة مدبولي ..... عمدة قرية الجلايلة
ــ الغفير سمعان ..... غفير العمدة ...
ـــ الفلاحين في قرية الجلايلة .......
ــ الشيخ عبد الودود .... شيخ القرية
ينفرج الستار عن المسرح ونري قرية الجلايلة في أعماق صعيد مضر .. عويس
يتكلم مع أمه عن حلمه بالزواج من صبية من صبايا القرية ......
ــــــــــــــــــــــــــــــــــــــــــــــــــــــــــــــــــ
عويس : عايز اتجوز يا مه ... نفسي اتجوز يا مه ... اعمل إيه يا مه ؟
أم عويس : اصبر يا عويس خليك عاقل يا ولدي .... لازم أختك تتجوز الأول يا ولدي ..
عويس : أبويا رافض أي عريس مش من اللحم ... مصمم أنه يكون ابن عمها حتي يحافظ علي الطين من الأغراب يا مه ....
ام عويس : عارفه يا ولدي .. وأختك
عتريسة دمعتها علي خدها ليل
نهار يا ولدي ... عايزة تتجوز
عتريسة : وبعدين في أبويا يامه !
خايف علي الطين ومش خايف
أني اخلف نسل مشوه من جواز
اللحم !
أم عويس : والله قلت له الكلام ده ... يقول
ومالوا مشوهين مشوهين المهم
أن الطين ما يقعش في أيد
الأغراب .....
عتريسة : كل اللي يهم أبويا الطين مش مهم
البني آدمين ... العمر سرقني يامه
ودخلت في مرحلة العنوسة !
ام عويس : امبارح أتكلم عليكي ابن عمك
حسانين ورفضه ابوكي لأنه مش
عنده طين خالص !
عتريسة : طيب دا ابن عمي ولحمي ودمي
ليه أبويا رفضه يا مه ؟!!
أم عويس : بيقول انه فقير خالص ومش
عنده أي طين !
عتريس : اعمل إيه يا رب .... كدة مش
عاجب .. وكدة مش عاجب !
عويس : أبويا دا ظالم يامه ... خايف علي
الطين ومش خايف علي مستقبل
أولاده .....
عتريسة : اسمع يا عويس أحسن حاجة
ندعي الشيخ عبد الودود شيخ
القرية ، يمكن يلين دماغ أبونا
شوية .....
عويس : كلامك صحيح يا عتريسة .. ندعي
الشيخ عبدالودود يتكلم مع أبونا
ام عتريسة : صبرك بالله يا بنتي ... بكرة
ربنا يعدلها يا بنتي ...
عويس : اسمعي يا مه .. كلام الشيخ عبد
الودود ... كلام مقنع و صريح
ويمكن يعدل دماغ أبونا ...
أم عتريسة : يا رب يا بني .....
الشيخ عبد الودود : يا أبو عتريس ... مين
عندك أهم الطين أم
سعادة أولادك ؟!
ابو عتريس : الطين عندي هو الأهم يا سيدنا
الشيخ !
الشيخ : أزاي بقي يا يابو عويس ؟
ابو عويس : طين الأرض ورثته من أجدادي
من آلاف السنين ... أزاي يقع
في أيد الأغراب ؟!!
الشيخ : يا أبو عويس الزواج اللحمي كله
أمراض وأطفال مشوهين ..
ورسولنا الكريم قال لنا في الزواج
اغتربوا لا تضووا .... يعني لا
تنتشر بينكم الأمراض ... وفي
الغرب أدركوا كلام رسول الله
وفهموه ومنعوا الزواج اللحمي
نهائيا في كل مجتمعاتهم ......
ابو عويس : يا عم الشيخ الكلام دا أنا مش
فاهمه ... أتكلم عربي يا سيدنا
الشيخ ..!
الشيخ : يعني مفيش فايدة فيك !
ابو عويس : أيوا يا عم الشيخ في الصعيد
كله مفيش فايدة !
الشيخ : لم يعد أمامنا سوي اللجوء لحضرة
العمدة مدبولي .....
العمدة مدبولي : قصدك إيه بالزواج اللحمي
مولانا ... قصدك الجواز العجالي !
الشيخ : يا حضرة العمدة افهمني شوية !
العمدة مدبولي : طيب قول يا سيدنا الشيخ
الشيخ : قصدي زواج الأقارب انتشر في كل
الصعيد ... ودا زواج كله عاهات
وأمراض ومآسي ...
العمدة مدبولي : ومطلوب مني إيه يا مولانا
الشيخ : تنشر أوامر السلطة الحاكمة بمنع
الزواج اللحمي !
العمدة مدبولي : ما اقدرش يا سيدنا الشيخ
الشيخ : ليه يا عمدة ؟
العمدة مدبولي : لأنه مفيش أوامر بالشكل
دا يا سيدنا الشيخ !
الغفير سمعان : يا حضرة العمدة ... ألحقنا
يا حضرة العمدة ... مصيبة
كبيرة وحلت علي البلد !
ــــــــــــــــــــــــ نستكمل لاحقا ..........
أحمد النجار
مصر
ليست هناك تعليقات:
إرسال تعليق