عاشقة من الريف
......................
شدتني من إيدي
وقالت اتطلع
شوف الندي ..
ع ورد الخد ..
عميلمع
و زهر الرمان ..
اشتهى شفافي
و كحلة الليلكي
بعيوني تتلوّع
والعِطر من نسمات الشعر
فاحت عبير ..
ع الجدايل ترقص
وتتقصّع
وغفيت النجمات بعيوني
وحداني ظل القمر
سهران .. يتوجع
تعربشَتْ نهدات بصدري
وتغلغلت بالقلب
تعال جاي طُم
و اتسمّع
بإيدك طوّق خصري
بياسمين ..
وخليني إرتكي ..
ع الكتف و اتدلع
حبك بدمي
ينبض بالوتين
وجوات روحي حُبك
نوّر ..و شعشع
يا سارق النوم من عيني
يا حلم بصحوتي ..
لا تفل و تتسرّع
خليك جنبي متل خيالي
خليك المحرمة لما
عيوني تغرغر
و تِدمع
واغمرني ع صدرك
بلكي بِنْطِفي
وبلكي برمم عمر
قبلك .. اتصدع
يا حسرتي بهالعمر
شو استنيت
بلكي ايامي المضت
برجوعك بترجع
ياريتني قهوة بفنجانك
وتشرب ..
وكل ما رشفت مني
زيد و إنبع
وكل ما شفافك
لامسوا الفنجان ..
يجن العقل والروح
رح تطلع
يا أسمر يا حلو القد
حجزتلك أغلى منزلي
مجلسك بالقلب
فوت اقعود
و اتربع
وسام الحرفوش
ليست هناك تعليقات:
إرسال تعليق