......ماتم راحة بال......
ماحدى اليوم بالو عال
وما ينشرى للبال راحة بال
والله هالحال مايطمن ترى
قلوا اﻷجاويد وكثرت اﻷنذال
وصار الحال كل مالو ﻻورا
والماشي حالن كتير قﻻل
واﻷكثرية عايشين بمسخرة
والحرامية عايشة بعز ودﻻل
وهيك حالة مين فيه يفسرا
معقول دنب الكلب صار بإعتدال
بمال الحرام الجياب مطنبرة
والصرف باذخ ع ذات الجمال
بليالي حمرة للمسرة ستأجرا
من فوق لتحت بيطمرا بالمال
وصلنا لعصر التجارة بالمرة
غرد يابلبل وإنطرب ياخال
..بقلمي.
الشاعر عيسى وسوف باظة
ليست هناك تعليقات:
إرسال تعليق