( إنت ليه????!)
إنت ليه ديما ظلمني.
إنت ليه ديما جارحني.
وبكلامك وبإهانتك.
ديما في وشي صدمني
إنت فاكر يعنى إنك.
بكدا تبقى بتعني.
إنت فاكر يعنى إنك.
بكدا لو في بحر همي.
بغرق بإيدك بتروح شددني.
لا ورب العزه دا بيزود
في غمي.
إنت ليه ديما تزود قسوة
الدنيا علي بدل مابتهد في.
المفروض حقي عليك
وإن بينا عشرة ديما المفروض
تكون بتبني.
المفروض وبإني منك
والدم ال فيك دا دمي.
منك كان لي قطعة الجنه
ال بسببها فيها داخلها
وباردو جبت منك
أحلى واد في الكون
بغمزات وبعيون كحيله
أسمر هو أسمه ملصوق
پإسمى في البطاقه
يبقى إبني.
إختيارك مش بإيدي.
دا قسمت نصيبي.
لو حبك لي مش مأثر.
أنا حبي ليك تعبني.
ودا عيبي أنا أول ما دق
قلبي دق لحضرتك إنت.
بس عيبك إن كل شيء
واخدها عادي مع إنك
لوفكرت مع نفسك شويه.
هاتلاقي ال هايعيبك
دا يعبني......
لما كان كفي
في كفك كان عهد
وكان ميثاق
مش يومين ويروحوا لحالهم
وكل منا يشوف طريقه.
لا ياصاحبي دي حياة.
وفرض واجب.
مره حلوه وألف مرة.
وال يرضى ويحمد ربه.
وال يصبر
ترجح كفة ميزانه
ولما يخش جنة المولى.
المفروض عليه
يمد لي أيده
ويروح وخدني........
إنت ليه.....
كلمة الحق بتزعل.....
قول لي مرة غلطت
فيك قول لي مرة
ماطبطتش عليك
ما إنت شايف بأم عينيك.
وضوح الشمس باينه.
الدنيا كل مدى ما تزداد
سوء غلاأسعارها فاحش.
لا إيجار الإيد مكفي
ولا شغلي اليوم ملاحق.
وال عندي عند غيري.
وإن كنت في الدنيا بقاسي.
فيه ألوف مش لاقيه
حق رغيق العيش الحاف.
يبقى نرضى ونرمي
على الله حمولنا
وال بيرضى بيعيش.
وكان على العمر
فاضل يومين.
يوم منه راح وعدى.
وال جاي جايز
من حسابه
في الموت...
يكون عددني...... ???$#@
15/3/2026
بقلمي أنا شاعر العاميه
(خيرى حسنى)
ليست هناك تعليقات:
إرسال تعليق