بتاريخ 26/9/2021
قصيدة ( بدون تغيّر )
بقلم الشاعر المصري
أحمد إبراهيم النجار
وأمتي تعود لياليكِ
وتشرق شمس أيامك
ده أنا السهران بناديكِ
ومتشعبط فى أحلامك
يطول بكرة على جبينك
ولا فجرك فى يوم بيعود
كئيبة فيكِ دي سنينك
وأنا العايش ومش موجود
وآه من خدك الباهت
وآه من رمشك النايم
وانا بين الجدار مسجون
ولا بتصحى عينيكِ السود
وآه من كدبة ف جبينك
غروب شمسك ولا بتعود
ويرجع ليل كئيب قاسي
ولا ناسي كلام الليل
ومرسوم الخداع فيكِ
وأنا الغارق ما بين شطين
وأنا الحاير فى تكوينك
وأنا الضايع معاكِ سنين
وأنا العازف نشيد حبك
لكن حبك هناك للغير
كرهت فيكِ أوصافك
وتعبيرك ملامح
فيها مليون وش
وسكن الغدر فى نينك
مالي عينيك حصاد الغش
وبان الزور على توبك
ومنقوش الخداع ع التوب ومتوزّع على ذنوبك
وذاااااااد كدبك
وذاااااااد ظلمك
وذاااااااااد قلبي
أنا ف كُرهك
وأنا العاشق بدوووووون
عاشقة ولا بسمة ولا أفراح
أنا اللى شِبت قبل أوان
أنا الساكن مابين نارك
ومتسلسل ما بين جدران
أنا درويش وبتسكّع
على بابك أنا مولد
وشابة راسي من غدرك
ومن كدبك ومن أحلام
ماليها وجود
وأمتي تعود شموس صبحك ويصحى ضميرك الجاحد
من الأحلام
ويرجع فجرك الباهت
بنور ساطع بكل أمان
وأعيش حُبك بدون تمثيل
على مسرح لياليكِ
ده انا عمري
اللى راح فى سراب
ومات الحب بأيدكِ
ولا لاقي كلام يتقال
ولا عارف فى يوم تفسير
أنا اللى شهيد غرام كداب
أنا الراحل بدون ماتشوف
عيوني فى يوم فى يوم تغيّر
أنا المسروق وأنا الضايع وأنا العايم فى بحر نيران
أنا الموجوع فى ليل غدرك
وأنا العصفور شهيد مدبوح
أنا المجرووووووووووووح
بسهم عيونك النايمة وبعيش حرمان وأنا التعبان أنا انساااااان
بقلم الشاعر المصري
أحمد إبراهيم النجار
ليست هناك تعليقات:
إرسال تعليق