أمى
*****
ياللى عيشتى سنين حياتك تبنى فينا
ياللى أحلام الحياه عيشتيها لينا
* أمى *
ياللى كنتى أغلى قصه عايشه فينا
ياللى عمرك صحتك كان خدمه لينا
* أمى *
ياللى كنتى قدوه حلوه عايشه لينا
ياللى ردك دمعتك لو يوم إسينا
*أمى *
ياللى كنتى فى الحياه أجمل مالينا
ياللى دايما دعوتك للخير سفينه
* أمى *
لو نشوف يوم ضحكتك دى فرحه لينا
ليه عزمتى على الرحيل ليه هتسيبينا
* أمى *
لسه ليكى حقوق كتير فرض علينا
الوداع لأمى اللى غابت عن عنينا
الله يرحمك يأمى
تحياتى /
مدحت لطفى عبدالعال
ليست هناك تعليقات:
إرسال تعليق