........الصبح لما........
الصبح لما خلق من ليل لمحندس
شق جفن الليل حتى يطل
جايي عمهلو وعم بيتقبس
يمسح بنورو وجه الظل
والشمس شقت ليل لمحندس
تشع بحﻻها تنور عﻻ الكل
والقمر من حسنها تحسس
خجﻻن منا العمر بدو يضل
عم بيغازﻻ وبالعشق يستأنس
ومتل الحرامي بليلها بيسل
والشمس تحرقصو تصير تتحلس
وتغطس بقلب البحر ماتنبل
ويصفى لحالو من تعس أتعس
ويشعر بأنو عاش حالة ذل
على النجمات يصير يترأس
يتمرد ويشرس والحلا يحتل
وأجمل حلل بالكون عم يلبس
والشمس تحﻻ والجفن ينعس
يعيشوا سوى متل الورد والطل
بقلمي
الشاعر عيسى وسوف باظة
ليست هناك تعليقات:
إرسال تعليق