كان منايا عامية
............
كان منايا معه كيفي
إني أسعدك بلُقايا
ساعتها عرفتك ظروفي
واحنا لسة في الـبداية
قلت لك أنا كل خوفي
تتعبي قبل النـهايـة
تملي كلامي وحروفي
تزهقي وتنهي الحكــاية
دي الهموم في الدنيا طيفي
والمشوار صعب في هوايا
قُلْتِ لي هاخدمك بكفوفي
وشرط أمك تكون معايا
أعيش في بيتها وهو كافي
مش طالبة شقة كـالـصبايا
مش طالبة أي شئ إضافي
وكل حاجاتي ويايا
أنا رايداك لو حتى حافي
يِكْفيني وجودك معايا
همس صوتك ليا شافي
ووجودك أملي ومنايا
أنارايدة قلبك أنت الصافي
تنور بيه أرضي وسمايا
ودي أشيلك عـلى أكتافي
وخدمتك غايتي وهنايا
واحترامك وحضنك الدافي
أجمل ماحصل بــدنيايا
فَمَحِيْتى أحزاني وكسوفي
ولقيت في كلامك شفايا
بقلم الشاعر المحامي/علاء عطية علي
ليست هناك تعليقات:
إرسال تعليق