اناالمصري
اناالماضي اناالحاضر
اناالعصري
انالنصري التارخ شاهد
أنا اللي ف يوم حملت سلاحي
وف ليلي الطويل صاحي
وماشي كالمارد
ودعت أهلي وصحابي
عشان أحرر نيلي وترابي
م المعتدي الحاقد
وف أول طلقة رصاص
دب جوايا الحماس
وبقيت بسلاحي شادد
وبشجاعة عدينا الموانع
ودفنا فيها المعتدين
وبراعة داوينا المواجع
ونور علمنا الضفتين
وصحيح كان بنا الجريح
وشهيد ع الرمال راقد
لكن عدينا القنال
ونسينا كلمة محال
وفينا مليون معاند
أصل أنا المصري المجاهد
أنا المصري تراثي خالد
انا المصري حماسي زايد
أنا المصري لغيري سادد
انا المصري نيلي مادد
وعالمتاعب والمصاعب
زي الأسد صامد
اناالمصري
فوق حبات الرمال رسمي
اناالمصري
علي شط القنال اسمي
اناالمصري نيلي مادد
اناالمصري لغيري سادد
وعالمصاعب والمتاعب
زي الاسد صامد
اصل اناالمصري مع نصري متواعد
أنا ألمصري
ليست هناك تعليقات:
إرسال تعليق