كل الموضوع
خليك فاكر كل الموضوع
لو عايش هم وبيه موجوع
بتشرب مر طول الأسبوع
أوحتى فى ألمك فيه منقوع
وبأقرب ناس منك مخدوع
ما ترضا بذل ولا بخضوع
ولا ويا الظالم ليك مشروع
الباطل مهما يكون له شيوع
والناس وياه بطريق ممنوع
طريق الحق ما عنه رجوع
وبرزقك ترضا وتبقا قنوع
حلال دايما وراسك مرفوع
وربك بس يكون له خشوع
ودعا من القلب وويا دموع
وبذكر النبى بيكون مشفوع
بصدق أكيد حيكون مرفوع
من ربك يبقا كمان مسموع
ولا يوم حتموت أبدا بالجوع
محمد عنانى
ليست هناك تعليقات:
إرسال تعليق