قصيده بعنوان
(لما ؟؟؟؟!")
تشوف إبنك
بيضحك دنيا
تانيه غير
الدنيا إل
إحنا فيها
تضحك لك
فى وشك
آه لو دمعه
نزلت له
من عينيه
دمعته بتكوي
جوا قلبك
لو مره قال
لك يابابا بدى
حاجه وإنت مش
قادر تجيبها
إزاي تقنعه
إنه يتحمل
بس بتقول له
هاجيب لك
تخاف لياخد
على خطره
وزعله بيقطع
فى صدرك
دمعته عليك
غاليه جدا
إتعود من صغر
سنه إنك البابا
وهوإبنك
لما يخدك فى
حضنه تنسى
وجعك وتنسى
همك وتنسى
نفسك وتنسى
روحك ويا سلام
لو قال بحبك
لما يشاور
على لعبه نفسه
فيها وجيبتها
له فرحته
بكل الدنيا
وإل فيها
وإل فوقها
وإل تحتيها
بناسها وإل إنخلق
ليها أصل هو
مش أي حد
دا نطفه
من قلب
صلبك شيئ
إنت طارحه
دم منه
وجيناته كله
إنت وكله
شبهك
لما يحط
إيده الصغيره
جوا إيدك
وإنت بحنانك
تصحبوا وإنت
ماشى إي
حته وهو يبص
بعينيه ليك
تبقى حاسس
إنك طاير
بدون جناح
هايم بعالم
إنت واخده
بحبك وهو بارضه
الحلو واخدك
هو صلبك
وهو سندك
مهما كان
عوده صغير
بكره يكبر
وإنت تتعكز
عليه يبقى
عكازك فى
عجزك
لما العبره
تاخدك
ودمعتك
غصب عنك
على الخد
تنزل وهو
بصوته الرقيق
يحس بيك
ويقول مالك
يا أبوي والدنيا
حاطه عليك
ومش عارف
إيه إل فيك
ولا حاسس بهمك
ولا وجعك
ولا جرحك
إل بينزف
ولا قلة الحيله
إل جواك وشاعر
الفقر بيحاوطك
وإنت مشلول
مخنوق هاتنفجر
من الضيقه
وتقول له
بصوتك لا ما فيش
حاجه يا إبنى
ترتاح حتى
لو مش هايداوي
صبرك
1/12/2021
ترنيمات وخواطر.بقلم)
خيرى حسنى...............)
ليست هناك تعليقات:
إرسال تعليق