سجينه الصمت (405)
....................
ولا عدت فاكره
يوم معاك ..
ويا ريت تسيبني
رجع لي قلبي من سكات
ما أنتش غاصيبني
مستني أيه جوايا مات
إحساسه بيك
والذكرى دبلت من زمان
أشواقها ليك ..
لا العين بتدمع للفراق
نسيت وجودك
لاهمها تهجر تروح
داقت جحودك
نسيتني حتى مين أنا
صمت فى سجونك
تايهه بدور عالدفا
فى أحضان شموعك
بعت اللي غالي وإشتريت أنقاض
وعودك ..
كات غلطه بدفع حقها
من عمر راح
وأكتم في قلبي من الوجع ومن الجراح
إمتى هغمض وأنسى
أوهام كان ملاك
وأحلم ببكره تنطفي قناديل قساك ..
وأعيش ولو بره الحياه
ولا يوم معاك ..
وبأيدي همسح دمعيتي
وأرفض هناك
بقلم .. صبري رسلان
ليست هناك تعليقات:
إرسال تعليق