حبيتك ف كل حالاتك.
عبدالله رجب ابوعدنان
مين قال إن الحب قول
شوية احضان على كلام معسول
الحب ليه ميه رسول
وانا حبيتك ف كل حالاتك
ف غضبك وجرحك وفرحك
حبيت فيكي كل ملامحك
ومين غيري يسامحك
مانا ف غرامك مقتول
حبيت صحيانك بدري
ولما اغضب تطبطبي و تضمي
ولما اقع على طول تسمي
ايوة حبيت فيكي اختي وبنتي وأمي
وكل جراحي تلمي
وتشليني وقت الضنا
وانا قاعد وانا واقف وانا مشلول
حببتيني ف الصلا
وانتي رافعة اديكي للسما
ودايما على الله متوكله
ولما عنيا تدمع بالبكا
الاقي ف حضنك القبول
إنتي مش بس نصي
لأ إنتي كلي
شمسي وضلي
روحي وخلي
ولما عليا بتهلي
اتمنى اللحظة تطول
حبيت فيكي المثابرة
وحبي ليه ميه أمارة
ولا عيونك الجبارة
ولما الايام بتكون غدارة
على حجرك ارتاح م الحمول
حبيتك ضحكه صافيه
ولمسه أيد حانيه
ونظرة حب دافيه
ع العهد تملي وافيه
وفيكي يا حبيبتي الكلام يطول
مهما الف والف ارجع لحضنك
راحتي وأماني وانا جنبك
تصدقي لما اقولك بحبك
وإن إنتي غير كل دول
مين قال إن الحب مجرد قول
ليست هناك تعليقات:
إرسال تعليق