اوعديني
اوعديني
لما ييجي الشوق
يقول لك :
ياللا نرجع للي فات
انك ح تمشي
رافعة راسك في السما
ولا حد يقدر يكسرك
و لا ليل ح ييجي
يلاقي دمعك
فوق خدودك
و ال ااهات
و لا نجمة تيجي تصبرك
اوعديني
اوعديني ان الليالي
ح تبقى دافية
زي قلب ب يعشقك
و يخاف عليكي
و لو يحن يحن ليكي
و لو يناجي
ح يناجيكي
من سكات
اوعديني
اوعديني انك
تعيشي العمر فرحة
و بسمة حلوة
من عيونك
يملا كل الدنيا نورها
زي شمس الصبح
ب تنادي عليكي
و الحياة
يحيى اللبيدي
ليست هناك تعليقات:
إرسال تعليق