هاتولى ريشة والألوان
عايز أرسم طريق تانى
طريق جديد بدون أوجاع
مش قادر أستحمل التانى
دا كله شوك ودموع
ولا حد بيحس بالتانى
طريق بائس مايعرفش
يفتح لحد طاقة نور
هاتولى ريشة والألوان
أخطط وأرسمه بنفسى
حتى لو هيكون بدون زوار
وأنا ونفسى
هكون فيه ببال مرتاح
ولا أذل فى يوم نفسى
وهزرع فيه ورد وفل
وبايدى أطبطب على كتفى
وهاخرج بره حدود سجنى
وهسند نفسى وأنا ماشى
ومش محتاج حاجة م الكل
كلماتى: بسمة سماح
ليست هناك تعليقات:
إرسال تعليق