/////////****برادي****/////////
برادي من سرو ونيسي
ارفيقي واحسن جليسي
وحدو وانا رفاقتو نخثار
كلي منو ليلي ونهار
من عنبوبو خارجة لنغام
من بخارو يحقق كل لحلام
اونيس لكلام زين الهدرة
روح لقصيدة وديك الحضرة
وشحال علمني من معاني
من الكبة تلقاه غيواني
سر الجلسة منو لحروف
فايت لمداد فايت المالوف
تلقاني ف الجلسة ظلو
كيسانو ياك عشقي وخلو
قربو ننسى يحضر لخيال
جنبو نوجد شلال الحال
انسافر في حضن لقوافي
يطفي الهم ويزول عوافي
برادي لمحرك قصيدة
برادي مرقص ثغريدة
داك شلال الكتبة ولقوال
داك لمهدن لعقل ولحوال
يجمع العشاق وكل جمايع
لمخلي عقلي معاه دايع
جلستو لا لا ماشي ندامة
اذخيرة وبلى اغرامة
برادي صاحب لوناسة
مايعرف خصام ولهواسة
بقلم صقر الحروف الزجال
المحجوب بوسبولة
ليست هناك تعليقات:
إرسال تعليق