............... عظيمه يا مصر .........
يا ست الكل ........ قوليلي مين يكون زيك
يا زرعة فل ........ علي ياسمين بنور ضيك
كتير جولك وباسو الخد
وجابولك جناين ورد
عظيمة يا مصر
ف قربك قلبي بينادي ........... تعيشي ليا يا بلادي
ف بعدك شوقي بيناجي ..... فداكي روحي وولادي
عشانك الغالي يرخص
تزيد قيمتك ولا تنقص
قريب وبعيد بيتمنوا ......... أساميهم تروح لاسمك
وقاعدينلك بيستنوا ....... يشيلوا صورة من رسمك
لا عمرك يوم غدرتي بحد
ووعدك سيف كلامه بجد
يا نسمة وطالة ع الدنيا ..... يا كلمة حروفها بالدنيا
يا أمي وأم للدنيا ...................... يا أمي يا مصر
عظيمة يا مصر ...... عظيمة يا مصر
الشاعر الغنائي / عرفات فرج الله بلبل
ليست هناك تعليقات:
إرسال تعليق