فوق كتافك ياللا شيل
ده إنت قادر تبني حضن
للمشاعر سلسبيل
بس لو في يوم هتضعف
أو هتصرخ أو تميل
راح أشيل القلب منك
والضلوع يسكنها ليل
وأرمي دمعك ع الشوارع
مهما كان الدمع سيل
شيل همومك
عدي يومك
صحي نومك لو تقيل
إنت أقوى ياللا عافر
والقصايد مش قليل
ده انت شاعر حظه وافر
إحساساتك شيء جميل
فجر الأحزان في غنوة
غنوة حلوة من رحيل
وارسم الأحلام قصايد
ع الشمايس والأصيل
أوعى حرفك يبقى خايب
ولا عايب أو هزيل
.............
بقلمي عصام حسيني السيد مدين
ليست هناك تعليقات:
إرسال تعليق