في وسط الزحمة
بقلمي يحيى حسين
في وسط الزحمة
والصحبة واللمة
ألقاني مع وحدتي
ببردها وضمة
ما فضلش غير البرد
من بعدها أمة
كنت غطا فرشته
وفي حره أنا ظله
يعطش أكون قلته
واتحامى أنا بضله
لا عمري يوم أخدعه
لا أخونه ولا أضله
وأزاى أخون العهد
وأنا صحبته وخله
دلوقتي نفس الفرشة
من غير غطى مخدة
مال كلام الوحدة
بنقاط حروف حادة
ساعات تغازل خيالي
وكتير تكون جادة
لكن تمللي الليالي
في بردها هادة
راح خلاص الدفا
أصل الدفا خاين
ما سابش غير الجفا
على الفرشة هنا باين
ما راح خلاص الصفا
لا ورد لا جناين
ما فضلش غير الدمع
تعالى شوف عاين
تعالي هنا يا أمه
نفسي في دفا شمعة
كل شموعي عتمة
على خدها دمعه
وتمللي دموع الليالي
من غير نجوم لامعه
كأن ساعات الليالي
قضبان لينا وجامعة
والقاني وسط الناس
بردانة أنا يا امه
أحلم بساعات زمان
في الحضن واللمة
لما كان الدفا
بحضنك هناك ضمه
يحيى حسين القاهرة
11 مارس 2022
ليست هناك تعليقات:
إرسال تعليق