تكلم عن زمان
ـــــــــــــــــــــــــــ
قال زمان كان جهل كتير
كان علم قليل دون تفكير
وكان مافيش فهم ولا تنوير
حتى اكبر عالم كان فقير
علمه على قده مايعرف يدير
قلت خلصت كلامك يا خبير
اسمع منى وبلاش تحقير
للماضي
دى جذورنا بخير
جدى وجدك شرف للغير
يتمنوا يبقوا مكانا كتير
الحمد لله اختارنا عن الغير
تبقي أصولنا منبع خير
كانت الناس طيبة وبخير
تحب الخير لكل الغير
عمر العيبة منها تصير
ولا شايفة غيرها بتحقير
راضيه وشاكرة لرب بصير
يرزقهم يراعاهم منه التدبير
طايعين لله له ساجدين
علي سجادة أو في حصير
ساعين في دنياهم كالطير
يسعوا معتمدين ع الخبير
حالهم كله سعي في خير
ارجع تانى عن التحقير
لأهل زمان أصل الخير
واحنا اجيال منهم وبخير
مادمنا بأصولنا بنسير
على منهجهم هنعيش تطوير
ــــــــــــــــــــــــــــ
Ghazala Attia
غزالة عطيه
ليست هناك تعليقات:
إرسال تعليق