كفايه إنى حبيتك
""""""""""""""""""""""
مش عارفه أقولك إيه؟
وإيه بعد حبك إيه؟
عشت معاك ربيع عمرى
وكان الأمر مش أمرى
بكل الحب حبيتك
بنبض القلب ناديتك
وانا إللى عمرى ما نسيتك
مش عايزه حاجه م الدنيا
كفايه إنى حبيتك
*****
دخلت الجنة على إيدك
وانا إللى قلبى بيريدك
بتهجرنى وتنسانى؟!
وتسيبينى ويا أحزانى؟!
وجوه القلب كبرتك
فى نن العين حطيتك
مش عايزه حاجه م الدنيا
كفايه إنى حبيتك
*****
جريت جوه شرايينى
وجريت دموع عينى
قربك حنان ، بعدك جنان
ألاقى فين بعدك أمان؟!
أنا بعت الدنيا وشريتك
مش عايزه حاجه م الدنيا
كفايه إنى حبيتك
*****
شعر / سيد فتح الله
ليست هناك تعليقات:
إرسال تعليق