خدت بالك يابني . من إيديا
كل شق وشق دمعة . من عينيا
والآهات . سكينة حامية . رايحة جاية
شلت حمل كبير . على حبة آسية
بس كله يهون . ولا يقدر عليا
دانت عندي . أغلى فرحة . وحلم ليا
خد حياتي . عمري كله . ليك هدية
عيش وميهمكشي حاجة . من اللي فيا
شد حيلك . في العلام . وامسح عينيا
اجري إهرب . من زحام الدنيا ديا
عيش بحلمي . وإبني حلمك . حس بيا
وإرضي ربك . صلي قوم . صبح وعشيا
شد حيلك . يلا عافر
دا الوجع في الدنيا فاجر
ولما تكبر تبقى فاكر
كل شق في إيدي ديا
نحن هنا بأيدي أبائنا . فمن تعب ومن بنا ومن جاهد
وتعب يستحق أن نعيش على ذكراه ونخلد عمله
شادوليات
شعر غير كل الكلام
شاذلي محمد عبدالرحمن حسين
ليست هناك تعليقات:
إرسال تعليق