الوحدة
الوحدة مش كونك
تبعد عن أصحابك
ولا حزن يحطم
على فقد أحبابك
ما دام سهم الجفا
بالقصد قد صابك
العمر بتبكي
وقافل عليك بابك
ترقع فى توب الود
ويقطعة أحبابك
دا الوحدة ناس حواليك
مش فاهمة أطباعك
والدمعة م الراجل
دا شيء يفوق الحد
نزولها مش ساهل
نازلة بتكوي الخد
بيحاول يداريها
ويقيم عليها الحد
م الوحدة بيعاني
وعمرة ما يشكي لحد
وقت ما حب العشرة
كان بيحب بجد
ولما كشف حقيقة
سبقت دموعة الرد
والحب مش بالقرب
ياما اللي منة تقرب
يقيم عليك الحرب
ومهما عشانة تضحي
تبقا ابن ستين كلب
وبجودة تبقا فى وحدة
وقربة يزيدك غلب
والغربة مش بالفرقة
والفرقة مش بالبعد
مهما تزيد المسافة
أرواح بتسكن بعض
كتير ناس داقت مرارها
وهما ف أحضان بعض
ياعم سيبني وروح
من الأفعال مدبوح
شبعنا خلاص جروح نوهب لهم عمرنا
وراحتهم خلاص فى البعد
ما دام العشرة رخيصة
معاها ما ينفع سعد
جدار المحبة تعلي
أفعالهم بتنزل هد
وطبق المر فى يوم
عمره ماينضح شهد
واللي تهون عشرتة
م السهل يخون العهد
بقلمي
نبيل عبد الحليم
١٨/٤/٢٠٢٢
ليست هناك تعليقات:
إرسال تعليق