قصيده بعنوان
(بتسألني؟؟؟؟؟!)
بتسألني
عن حالي
وعن إيه
إل غيرني
وعن أشياء
واضحه وعن
هموم مخفي
وعن شكلي إل
مش شكلي
وعن شبهي
إل كان شبهي
وعن ضحكه
كانت تكركع
تسمع الناس
إل جاي في
آخر الشارع
وعن وجعي
وشيء بي
وعن شيء كان
ضايع بتقول لي
ليه ماترد
ما أنا سامع
لكن عامل
ما نيش سامع
أو كأن الكلام
ملوش ستين
لازمه وبقول
مايع........
وعن إيه
هارد عن وجعي
ولا عن غربه
أكلت عمري
إل راح
ومش راجع
عن قلبي
إل عاد بيدق
مليون دقه
في الثانيه
ولا صاحبي
إل كان شاري
فبرخص التراب
بثمن بخس
قام بايع
بتسألني ولما
زهقت
رديت قولت
لها متسألنيش
عن أشياء
في ليها حدود
وليها خط أحمر
فمتخطيش خلي
الوجع للوجع
له أهله بلاش
تفتيش على الجرح
وتحطي عليه
كوم ملح
خلي القهر للقهر
وخلي الهموم
للشايلها ماهو وحده
إل متحملها بيعافر
وبيكافح وبيشق
بضوافره الصخر
على الفاضي بيعرق
ويتعب الصبح
وآخر نهاره
يلاقي ناس تعمل
عليه قاضي
ويتحاكم ويدخل
سجن الوجع
من تاني
معا إنه بريء
غلطته إنه كان
طيب مكانش جريء
بيحب وبيعشق
وفيه شعور
وإحساس........
ماهوش
جاي من عالم
آخر مكتوب عليه
إنه الوحيد
من الظروف
ينداس.......
مع إنه غلبان
غلب وطيب
وينشال على
الراس لكن
هاجيب منين ناس
تقدر وتحترم
كرامته ومشاعره
وتاخد بإيده
وتساعده
تطبطب عليه
تمسح دموعه
فقير صحيح
لكن عمره ماخان
عاهده راضي
بظلم الدنيا
إلي بتصده
وبتعانده
وبتناهده
بتسألني
قولت لها
متسألنيش
لا أنا أعمى
ولا أصنج
ولا أخرس
ولا لساني أكلته
القطه فلو رديت
أخاف أتعدى حدودي
أكون ساعتها
غلطان
وأنا مش متعود
على الغلط
لناس ليها
في قلبي
بيت ومكان.......
بتسألني
فقولت لها
متسألنيش
لا أنا أهطل
ولامجنون
ولا ريالتي نازله
على صدري
ولا سكران
أنا عاقل وعقلي
يوزن دهب
ومش خيبان
لكن المشكله
إننا عايشين في
دنيا حيتان
متسألنيش
11/4/2022
(ترنيمات وخواطر.بقلم)
(الشاعر.خيرى حسنى...)
ليست هناك تعليقات:
إرسال تعليق