صرخة ألم
فيه صرخة ألم جواية
بتنادي تقول ياضناية
ليه ظلمك تملي معاية
ليه هجرك يكون وياية
ناسي لما بتحبي بخطواية
تاتا تاتا وتقولي ياماية
ولمعة عينك كلها ضحكاية
وشفايفك النونو حكاية
تقول لشفايفي ياماما بوساية
كنت تملي محتاج لدفاية
ولو تغلط بلمح دمعاية
في عنيك تتمني رضاية
بتقول لي ماتبقي زعلانة
كنت حريص لضحكة جواية
ومحتاج أكن لك شمعاية
وأمسح لك أي دمعاية
والله ياابني حريصة لغاية
ماألقي الحزن بقلبك يا ضناية
كنت صابرة على ظلم جهالة
أنانين والطبع غباوة
بخل حياتهم بعلامة
كله عشان تفضل بسماية
لشفايفك تملي وضحكاية
قلت راح اصبر الله معاية
لحد ما ترسي على بر نهاية
أطمن عليك يا ضناية
وشريكت حياتك تلقاها
يبقي من الله فرجه ساعتها
أشوف نفسي بعد شقاها
أنا طول عمري كنت مضحية
لأجل حياتك تبقي مرضية
ونسيت نفسي وكل ما لية
لأجل عنيك وأخوك تضحية
والله أنا فاكرة أخوك كان صاحبي
عمري ما يوم للسر أخبى
كنت كتاب مفتوح يقرأنى
كان نظرته فى حياتي دا سعدى
قول له نسيت ليه كل غلاوتى
علشان سوء ظنك وتبعنى
سب وقذف وجرج قاتلنى
قول له رسول الله دا أمرنى
أبدأ بنفسي ثم بأهلى
أنا بدأت بأولاد عن نفسي
ولما اطمنت عليك قلت أمشى
تطبيق شرع الله راح يسرى
ختمت بنفسي بعد رسالتى
ما تركت ابني يتشرد يجنى
لما كبر ظالمني ويجنى
بيقول علية خاينة دبحنى
أصبح هو الجاني ومجنى
ناسي كل عامل له يجنى
بدعي الله مولايا ما يجنى
أبدا ظلم اولادي لجرحى
ونزيف من قلبي اللي بيروى
نور لحياتهم من نورك ربى
امضاء حب أم بتبكى
أم بتعشق ترابهم وتسمي
على رجلين أولادها وتهدى
قلب وروح لمولاها بتدعى
يبارك في أولادها وتفدى
Ghazala attia
غزالة عطيه
ليست هناك تعليقات:
إرسال تعليق