تصدق بالله
ــــــــــــــــــــــــــ
تصدق بالله السعد ما أحلاه برضي رب العالمين
بذكر الله ورسول الله تعيش الجنة مرتين
الناس تايهين شمال ويمين شاردين
منهم شاكي منهم باكي منهم شريد وحزين
منهم من الهم في الليل ماينام مسكين
منهم بائس يائس من جرح سنين في أنين
والفرحان منهم يادوب فرحته تحصل دقيقتين
قول يوم أو ساعة ⌚أو حتى يومين 👉
وهمه كله في دنيا كل ما فيها زايلين
يلف يدور ولا عارف مصيره لفين
مع إن السعادة قريبة منه في نصب العين
فيه عقل لكن مافهوش تقي أو دين
العقل يعمل ايه في ناس جاهلين مش عارفين
إن السعادة في طاعة الله رب العالمين
هو خالقهم وخبير بيهم دا أحكم الحاكمين
خلق النفس وألهمها فجورها وتقواها الإتنين
منهم احتار ومنهم في استقرار والاتنين مختبرين
أفلح من زكاها جزاؤه جنة الفائزين
وخاب من دساها في شهوات مع العاصين
خسر جنته وكان في النار مع الهاويين
يارب ما تتركنا لأنفسنا واغفر لنا ذنوب سنين
وارحمنا وانظر الينا برحمك يا أرحم الراحمين
لا تنظر لينا بغضب فنصبح من الهالكين
منا الدعاء وعليك الاستجابة لنا ولكل المستمعين
ـــــــــــــــــــــــــــــ
Ghazala Attia
غزالة عطيه
ليست هناك تعليقات:
إرسال تعليق