علامي
ماتسألنيش عن علامي
اسألني عن ألامي
وقرب واسمع كلامي
هتلاقي شهادتي عالية
وتلامذة كتير قدامي
قرب شوف الحقيقة
لو لك عيون بريئة
اتخلص من جحودك
واكسب حبي وسلامي
اسألني كسبت ايه
واسألني خسرت ليه
هجاوبك وبصراحة
وماتزعلش من كلامي
اسألني عن الرجولة
اسألني عن الشهامه
أسسني عليها ابويا
وعودني أكون عصامي
اسألني عن الطيابة
وازاي عيشة الغلابة
من نومي عالكراسي
وبعيد عن فرش ناسي
وبعيد عن قرش مامي
اسألني اخدت ايه هجاوبك
وانت ايه واللي ماتو قبلي
أخدو منها ايه
قرب واسمع كلامي
هتعرف ايه علامي
واكسب ودي وسلامي
وعاشت الأسامي
اللي قدرتني لها مني
كل إحترامي
سيدحجازي
ليست هناك تعليقات:
إرسال تعليق