سكينة الشريف
مصر
ــــــــــــــــــــــــــــــــــــ
ما يمكن خير
وقهرة قلبك وحبسة دمعك
هتصبح سيل
من لآلئ ضي وقنديل ينور دربك
سعادة وفرح
وتجني من الشجر زهور
محملة بالعطر
وتبني ألف طوبة معتكة
من الفل
لما يصبح صرح
وتمسح دموع العين
وتبلسم هموم القلب
وتداوي ليك الف جرح
وجرح
مايمكن خير انها ضاقت
واستحكمت
وبقت ظلام. لجل الفجر
مايتولد
وخسارتك ماتصبح ربح
مايمكن خير انك تفضل
شوية وحيد
وكل حبايبك مفارقينك
لجل اللقا يبقى ليه معنى
وطعم ولون
وتتبدل آهاتك لغنيوة
في عز الليل
مايمكن خير طريقك المظلم
يطووووول
مايمكن في آخر الطريق
منتظرك صبح
وشروق ملوش نهاية
وتوصل لكل غاية
وتتنهد سعادة وتنزل دموع
الفرح
ربك كريم بيختبر صبرك
ومحتاج يشوفك رافع
ايديك بالدعا
وبترتل في سورة الشرح
ليست هناك تعليقات:
إرسال تعليق