رقصت عزة
ضاعت غزة
شربت خمرة
من غير مَزَة
سهرت عايدة
ضاعت صعدة
عملوا ملهى
ف شارع جدة
ماتت ساجدة
ف حرب الردة
تاهت ماجدة
ف عيون شاردة
وانت يا لوسي هزه وقعدة
ورا هبدة
ضحكت فيفي
هزت فيفي
طبل ضيفي
جم معازيم جاحدة
ع الارض البكر
بقت حبلى
حتى معاشي
أخده عفيفي
وقفوه شتوي
صرفوه صيفي
صرنا ف دايرة
مركبنا واقفة
مركبهم سايرة
جات أحلام ويا عتاب
والحلم طلع كداب
حتى ريهام والله حرام
قفلوا عليها الباب
شوفوا صباح عالضيعة
سعدون رفض البيعة
شوفت دبي
زينة الحي
ملهاش زيي
ووديع بيقول أي أي
شوفت الحوثي
شوفت السني
ويا الشيعي
كله خرب الحي
وبن الخطاب
مش َجاي
فينو صلاح وباتون جاهين
ياكوف قال مش لاعبين
أخص عليكو يا وحشين
سرك باتع يلا ياعزة
راحت غزة ف هزة
غنت عبلة
عنترة ع الطبلة
وهي الحبلى
مات النونو
ف صراخ الهبلة
فِضلت عزة
عاشت الطبلة
بقلم الضاحك الباكي بلال هشهش. بيلا. مصر
15/8/2022
ليست هناك تعليقات:
إرسال تعليق